Sular par i comünità

Mett denta di impiant fotovultaigh in di stabil püblic par fà una energia eletrigha pulida e a bon mercaa l’é una sulüzion sicüra, bona par tücc e facila da tirà innanz.

^WeGreenkey al sa inzibiss ni afari tecnic par da una man, fidaa e indipendent, nal tirà insema di prugett par i cümünità. Prima da tütt fà i calcui da quanta putenza sa po’ cargà sü e par efet quantu eletrigh salta föra, stüdià ul sit sul post e decid duva l’é mei mett i panei: cunt in man sti ropp l’é un atim fà giò prugett e capitulaa. I preventiv di artigian ai pudrà vess cuntrulaa danaz e dadré par costi e qualità di prudott (sa cercarà ul pel in dal öv, tant par cambià cunt un software!): inscì sa pudrà mett la man sul fögh che è stai fai di piasé a nisün.

Intant che ai istala ul impiant sa starà lì cuma un falchett a cuntrulà che tütt al sia, par fil e par segn, stess al prugett. Se gh’e ingir un impiant vecc al vegnarà valütaa e sa vardarà se gh’e quaicoss da fagh adré.

Cunsümà energia cul cò par vedé da sparmì, dà una man a sbasà l’inquinament grazie a di energi che i sa rifurma da bell e növ: se sti ropp qui ai vegnan fai da canton, cümün, ragrüpament e visinanz sarà la pupülazion tüta a trann benefizi sia in salüt che in danee.

^WeGreenkey. Nümm, l’energia, ul duman.

Cunsülenza neutra

Un parer seri, precis, e ligaa a nagott e a nisün.

Cul ^WeGreenkey a ga sa dà al publich, ai ragrüpament e ai visinanz la pussibilità d’avegh una cunsülenza neutra par di impiant fotovoltaigh.

Par i prugett sa cerca dumà ul mei, senza stà lì a vardà chi e come al farà ul lavur. Dai föra ul capitulaa da cuncurs, Greenkey al farà i valutazion a quatar man cui cumitent e al passarà a la lent i artigian, i furnidu, la mercanzia, se l’é car o bunmercaa e quantu costa par invià là la baraca.
Una volta cataa föra chi che farà ul lavur, ga sa starà adré minüt par minüt par vedé che al faga mia ul fürbu e che al lavura da galantomm, cuma Dio cumanda. A la fin di cünt sa ispeziunarà ancamò tütt par fil e par segn, senza vardagh in facia a nessün ma anca senza pestagh i pé a nessün.

• Stüdi dal sit sul post
• Fa i calcui da quanta putenza sa po’ cargà sü e par efet quantu eletrigh salta föra
• Fà giò ul capitulaa d’uferta
• Cuntrulà e valütà i ufert
• Cuntrulà i lavur da istalazion
• Aiüt tecnic ai istaladu
• Cuntrol e colaudo dal impiant finii
• Cuntrol dal funzionament di impiant che gh’é già

Fà insema al dà energia

Se vörum tirà a l’oss i costi e dagh a tücc di servizi da lüsso, ul pachett ^WeGreenkey al tira denta i enti nal giöch da cumprà tücc insema

In sta manera canton, cümün, ragrüpament e visinanz ai gha permetan a tücc da tö ul fotovoltaigh a bon prezzi.
Se sa cumanda tanta roba insema i ditt ai fà di prezi da favur e pö gh’e sempar dadré ul tecnic dal Greenkey che al cuntrola e al lassa scapà nagott. Quand tütt l’è in ciar, ogni privaa al firma da par lüü ul so cuntratt.

Par un risparmi mia da poch e par ul ben da tücc.

• Mett dacordi i enti par tö i moduli al prezi püssee bass
• Un noss tecnic che al ga pensa a tütt