Incöö sa decid che duman gh’avremm.
Petroli, gas e carbon ai dürerà mia in eterno, la Svizzera pass a pass la vegn föra dal nuclear, sa starà sempar püssee atent ai prublema dall’ambient: sem scià da pensà sül seri a cuma truvà l’energia par nà innanz tücc i dì.
Greenkey l’é un stüdi da ingegner neutral e ligaa a nessüna fabrica par dà parer, vardach a drè e prugetà impiant sular sü tecc pian o muntaa sura ai materiai da rivestiment di tecc.
Greenkey al s’é sdupiaa par dagh a ognün propri quel che al g’ha da bisögn.
MyGreenkey a l’é un pachett fai aposta par privaa e impres cun denta tütt: ul stüdià ul bisögn energetic da la custrüzion, ul prugetà e istalà tütt ul impiant sular: quel che sa ciama ciav in man.
WeGreenkey a l’é pensaa propri par canton, cumün, visinanz e ragrüpament e al g’ha denta: ul calcul da la putenza massima e donca l’energia che sa pò tirà föra, la preparazion di capitulaa da cuncurs, dà cunsili par la posa di impiant – anca su custrüzion che a ié sota vincul da paesagg o storic – e aiütt tecnic ai istaladu. Tütt senza vess ligaa in nessüna manera a fabricant e prudütur, impres da custrüzion e istaladu vari in modo che sa vaga mai a pestà i pè a nessün.
Se metum insema ul ciapà l’energia dal suu, di intrecan ben stüdiaa e che funziona a penell cun la massima resa, una isulazion senza magagn, salta föra par tücc di bei risparmi.
Sota ul stess tecc, do prupost e tanti bei servizi.
Qui che lavura
Greenkey, un grüpp ben preparaa, che al rend ben e pien da energia.
Che cumanda l’é la Kim Bernasconi-Nagel: ingegner HES cul diploma in Energy management.
L’ha g’ha püssee da quindas ann da esperienza na la ricerca e na l’industria di panei sular. Espert riconosü CECE®. In ses ann a la ISAAC-SUPSI l’ha tirà in pee e l’ha purtà innanz ul centro svizzar che al dà tücc i istrüzion par mett denta ul sular in di stabil: la gh’é staia adrè da sübitsora a una sfilza da prugett da ricerca sia svizzar che internaziunai e anca a tütt quell che và a brascett cunt ul cuncett dal sular in Tesin e in Svizzera.
L’ha lavuraa in da l’industria privada (la 3S Photovoltaics-Meyer Burger da Thun, una fabrica svizzera da panei cristalin, e la Flexcell, una start-up da la Università da Neuchâtel, specializada in panei cui celul multu fin) par studià da bel e növ e pö pruvà in pratica sia la part mecanica sia quela eletrigha di panei fai aposta par tecc pian, a falda e par fasciad.
L’ha verdü in Tesin la Greenkey Sagl par cascià l’idea da impiant sular da alta qualità sul pian da la tecnica e da l’estetica. Al bisögn la lavura insema a di artigian da l’edilizia, fidaa par ogni bisögn.
Una pruposta da qualità cun tant da certificaa.
Greenkey a l’é un espert riconosü par fà ul certificaa CECE (certificaa energetic dal Canton par i custrüzzion): al va tira insema tücc i docüment energetic necessari par ricev ul certificaa par ogni tipo da edifizi. Sti misurazion ai permetan un cunfrunt cui dati mezan par capì mei cosa gh’é da fà.
Greenkey al fa part dal Swissolar, ul püssee impurtant grüpp svizzar par ul sular e ul prim che gh’é stai al mund: anca i üfizi energetic da la Cunfederazion ai ga dà a tra. Oltra a vess la funt da infurmazion püssee seria, al mett sü anca di curs da furmazion par i so soci che inscì a ié sempar infurmaa sui nuvità tecnic.
Greenkey al g’ha ul certificaa da “Prufessiunista dal sular”.
Cun Greenkey a sii in bon man.
Al va dà la so parola che al fa tütcoos segund i regul, cunt un öcc da atenzion al ben da la gent, dal teritori e da la natüra.
Ai dipendent sa garantis una furmazion continua, machinari muderni e una paga unesta.
Tücc i servizi che sa furnis a ié cuntrula da espert, par dà duma ul mei.
TAL DU MI UL PANEL!
Dó parol a la bona par tirà insema i nostri idei:
L’é ann che rügum l’energia dal suu e podum mett ul nos savè al vos servizi.
Vedem da dagh al mund l’energia che la faga nà inanz senza fà altri dagn.
L’energia l’é tropa scarsa par bütala via par nagott.
Stà in pas al vör dì stà in pas cul mund e cun la natura.
