Sular par famigli e impres.

Eletrigh fai cul suu par famigli e impres. Incö sa sta atent a fà ben l’energia e a mia trasala.

^MyGreenkey al ga inzibiss a privaa e impres un pachett fai e finii che al partiss dal vardagh adré da pedigh al bisögn da energia da la custrüzzion, fà i calcui da quanta putenza sa po’ cargà sü e par efet quantu eletrigh salta föra, prugetà un impiant nurmal o un impiant che al liga cun la strutüra dal stabil: vör dì che ul panel l’é mia dumà lì par fà eletrigh ma a l’é architetüra cun na belezza sua ben precisa. Ul impiant al vegn muntaa da furniduur specializzaa, colaudaa e tegnü sota cuntrol.

Un servizi ciav in man prima, intant e dopu ul lavur.

Se ga vardum adré ben a l’isulazion di custrüzion podum sparmì da bütà via energia e in cumpens un impiant muderno al iüta a fà l’energia a poch prezzi cunt la lüs dal suu. Al dì d’incöö l’é mia dificil fà sparì i panei ni strütur da cà, ufizi, negozi, fabrich e spazi vöid.

^MyGreenkey. Energia comuda par mett un pè nal duman.

Da l’A a la Z senza tribüleri.

Vardum, pass a pass, cuma sa fa una istalaziün da panei.

PRUGETAZIÜN

• Stüdi dal sit, sul post e senza spes
• Fà i calcui da quanta putenza sa po’ cargà sü e par efet quantu eletrigh salta föra
• Catà föra i materiai püssee giüst che i liga cunt l’estetica dal stabil
• Prugetaziün
• Fà via tüta la burocrazia di permess

ISTALAZIUN

• Posa faia da muntör specializaa
• Cuntroll e colaudo da l’impiant
• Manütenzion e stagh adré
• Cuntrulà i impiant che gh’é già

Ul risparmi l’é tütt guadagn.

Cà e impres ai brüsa energia: tücc i dì e a l’ingranda.

Greenkey l’é un espert CECE e nal pachett ^MyGreenkey par prima roba gh’é un esam critigh di cunsüm, inscì da truvà la class energetica e, quand s’é metü in ciar i magagn da la strütüra o di impiant, vedé duva sa pò fà mei e cuma fal.

Ul certificaa CECE l’é ul massim par capì cosa bisögna mett in urdin. Par din vüna, migliurà l’isulaziün di lucai e cambià i finestri a la lunga al fà viv mei e risparmià danee.

• Cuntrulà se l’energia dal stabil l’é in urdin
• Fà giò ul certificaa energetic dal Canton par i custrüzion (CECE® e CECE® Plus)
• Istalà la ret Smart Grid par duvrà al mei l’energia in di mument da massima prudüzion